Қытайдың Нанкин қаласында әлеуметтік желі арқылы танылған «Хонг бикеш» лақапты ер адамға қатысты атышулы іс бойынша полиция қылмыстық іс қозғады. Ер адам әлеуметтік желілерде өзін әйел ретінде көрсетіп, қарапайым азаматтармен жыныстық қатынасқа түсіп, бұл әрекеттерін жасырын түрде видеоға түсіріп, кейін интернетте таратқаны белгілі болды.Бұл туралы Ұшқын тілшісі шетелдік БАҚ-қа сілтеп хабарлайды.
Нанкин полициясы тергеу амалдарын 2025 жылдың шілде айының басында бастаған. 6 шілдеде аталған тұлға ресми түрде қамауға алынып, оған «әдепсіз материалдарды өндіру және тарату» баптары бойынша айып тағылды. Құқық қорғау органдары желіде тараған бейнематериалдарды жоюға кірісіп, тұрғындарды оларды таратпауға шақырды.
Күдікті өзінің мәлімдемесінде 1 691 ер адаммен жыныстық қатынаста болғанын айтқан. Алайда полиция бұл көрсеткіштің әсіреленгенін мәлімдеп, нақты сандардың әзірге анықталмағанын хабарлады. Сонымен қатар, тергеушілер күдіктінің осы әрекеттер арқылы қанша табыс тапқанын да нақтылаған жоқ.
Айта кетейік,Қытайда порнографиялық немесе әдепсіз материалдарды өндіру мен тарату заңмен қатаң түрде тыйым салынған. Бұл баптар бойынша күдікті бірнеше жылға дейін бас бостандығынан айырылуы мүмкін. Қазіргі уақытта тергеу жалғасып жатыр.
Автор: Бердалы Ораз
Сурет: detikcom