Адам баласы көбіне ата-тектен түңіліп, «ананың баласы не болады?» деп алдын ала үкім шығарып жатады. Бірақ тарих та, өмір де талай рет дәлелдеді: жаманнан да жақсы туар. Себебі адамның болмысы шыққан тегіне емес, жүрегіне, тәрбиесіне, талпынысына байланысты қалыптасады.
Жақсылықтың тамыры кейде ең күтпеген жерден көктейді. Тіршілік те солай – ауыр топырақтан да гүл өсіп шығады. Көпке күлкі болған, менсінілмеген баладан ертең ел қорғайтын ер шығып, еліне елеулі тұлға болуы ғажап емес. Себебі адам – өзгеруге, өсуге қабілетті жаратылыс.
Кімнің кімнен туатынын адам емес, Алла біледі. Сондықтан ешкімге тағдырлық үкім шығаруға болмайды. Жаман ортада туып, жақсы адам болу – ерлік. Таза жүрек, адал ниет, еңбекқор мінез – нағыз байлық осылар.
Біреудің тегіне қарап төрелік айтпа. Себебі бүгінгі «жаманның баласы» – ертең сенің өміріңді өзгертуі мүмкін адам. Жақсылық – қанмен емес, жанмен беріледі.
Жаманнан жақсы туар,
Адам айтса нанғысыз.
Жақсыдан жаман шығар,
Көз көрмесе таңғысыз…